What to Do. What to Do.

Akala ko late lang ulit mag-aannounce si mayor ng #walangpasok nung ika-23 ng Agosto. Mali ako, paggising ko ng alas-kwatro ng umaga, nabungaran ko ang text message ng Head Teacher, “May pasok na po tayo ngayon. See you all.”

Sinukluban yata ko ng katamaran at naghangad pa ko ng mas mahabang bakasyon.

Larga. Di ko dinala ang mga school gadgets ko. Di ko kasi inisip na papasok nga ang mga bata. Pagdating ko sa school, walo sa kanila ang pumasok! Aba, gusto talagang magkaron ng Certificate of Perfect Attendance for August 2013. Tignan natin kung sino sa kanila ang hindi aabsent sa mga nalalabing araw ng buwan.

What to do. What to do…

Naalala ko yung binigay na book ni Sir Jonathan, buti na lang hindi ko pa nagagamit. Balak ko kasing gamitin yun sa kanilang writing activity para sa 2^nd grading period pero mas angkop na panahon ang araw na iyon para dun. Tulad ng orihinal na plano ni Sir Jo, babasahin ng guro ang bugtong at iguguhit ng bata ang sagot. Nakabuo sila ng kani-kanilang SINO AKO? Booklets pagkatapos ng gawain.

Natapos na. Ano naman ang gagawin namin?

Umupo kami sa isang maliit na bilog at nagtanong ako sa kanila:

If you have a pet butterfly, what will you name it? An octopus? An eel? A tiger?

Funny answers.

Then they got bored.

Nagtanong ulit ako:

Ano yung pinakapaborito mong ginagawa natin dito sa school?

--Cher yung experiment po na naghalo-halo kami ng mga vinegar, toyo at mantika. (Sa totoo lang, hindi totoo yan. Sila na lang naghalo-halo ng mga yan. Ang gagawin lang naman nila nun eh i-explore ang properties ng liquids. Kasama dun ang paglilipat-lipat ng mga materyales sa iba’t-ibang lalagyan. Napaka-simpleng experiment, pero alam ko ngang nag-enjoy sila kahit nagkanda-amoy suka at toyo sila pagkatapos nun.)

--Cher yung I Wake Up

--Cher yung exercise na jumping jack

--Cher yung magbabasa

Ano yung bagay na natutunan mo ngayon pa lang na hinding-hindi mo makakalimutan kaylanman?

--Cher yung solid, liquid, gas

Kung mag idadagdag sa mga ginagawa natin, anong gusto mo?

-- yung mas mahabang mental math po… (we tried minute madness for mental math-add as many as you can as the teacher dictates the pair of numbers to be added or subtracted) 

Di pwedeng dagdagan ang oras para sa mental math. It aims to let them practice faster thinking and confidence in speaking in front of the class.

Hay.. Ang saya lang ng araw na yun. One-on-one with each of them. Kung pwede lang na ganun. Next year, 40 kids nalang strictly per class as we get complete implementation of Currciculum for K-3.

Tapos na ang first grading period. Di ko pa tapos ang grades. Ang hirap “gumawa” ng grades. Ang sakit sa loob “magcompute” ng grades lalo at wala namang ico-compute dahil na rin sa dami ng interruptions sa class namin the past few months. Kapabayaan ko na din siguro na dapat ko nang baguhin para sa susunod sa grading periods ay di na ko mahirapan. Sa totoo lang, ang pagbibigay ng grades ang pinakanahihirapan akong gawin. Alam kong kelangan ko tong gawin. Dito ko din kasi makikita kung effective ba akong guro. Takot lang din siguro akong malaman kung may natututunan sila, baka kasi wala L

Hindi ko alam kung pano ko sisimulang mahalin ang assessment and evaluation aspect ng patuturo. Alam kong importante ito. Sa katunayan, isa ang Research and Evaluation sa mga options kong maging  major sa future MA studies ko.

Oo nga pala, malapit na ang Second Semester.

Malapit na din magtapos ang Agosto. Tapos na din ang birthday ko. Matanda na naman ako ng isang taon. Umalis na si Maring. Wala pa sa 15 ang bilang ng araw ng pasok sa paaralan sa buwan na ito.  

Maraming salamat  sa lahat ng bumati. Nawa’y pagpalain tayong lahat ng Poong Maykapal.

Malapit na ang September! Papatak na ang –ber months. Kakaiba ang galak na hatid ng –ber na mga buwan!